Աֆղանցի առնվազն 5 զինվորականներ են զոհվել ՆԱՏՕ-ի զորքերի կողմից Աֆղանստանի հարավում իրականացրած ռմբակոծության հետևանքով: Այս մասին հաղորդում է BBC-ն` հղում կատարելով տեղի իշխանություններին:
Աֆղանստանի պաշտպանության նախարարության ներկայացուցչի խոսքերով` միջադեպը տեղի է ունեցել վաղ առավոտյան Լոգար նահանգում: Առնվազն 8 հոգի ստացել է մարմնական տարբեր վնասվածքներ:
ՆԱՏՕ-ն հաստատել է, որ ռմբակոծության հետևանքով կա 5 զոհ, սակայն միջազգային ուժերի գործողություններում դիտավորություն չի եղել։
