ՆԱՏՕ-ի գլխավոր քարտուղար Անդրես Ֆոգ Ռասմուսենը եկել է եզրակացության, որ Սիրիայում ռազմական ուժի կիրառումը չի կարող հանգեցնել այդ երկրում հակամարտության կարգավորման։ Այս մասին հաղորդում է France Presse-ն։
«Այժմ ես չեմ տեսնում, թե ինչ դերակատարություն կարող է ունենալ ՆԱՏՕ-ն այս ամենում։ Սիրիայում հակամարտության ռազմական լուծում չկա», — ասել է Ռասմուսենը։ Մինչդեռ սեպտեմբեր ամսին ՆԱՏՕ-ի գլխավոր քարտուղարը չէր բացառել արտաքին միջամտությունը Սիրիայում։
