Փետրվարի 21-22-ին Արցախում գործող ոչ մի հանրակրթական և նախադպրոցական հաստատություն չի գործի՝ բնակչության շրջանում վերին շնչուղիների սուր վարակի սեզոնային աճի և համաճարակաբանական լարված իրավիճակի պատճառով:
Ըստ Արցախի առողջապահության նախարարության՝ հիվանդությունն առավել վերահսկելի դարձնելու նպատակով, կառույցին ենթակա բուժհիմնարկների ամբուլատոր-պոլիկլինիկական բաժանմունքները փետրվարի 22-ին՝ ոչ աշխատանքային շաբաթ օրը, կաշխատեն մինչև ժամը 15:00-ն:
ԱՆ-ից հորդորել են չշփվել գրիպանման երևույթներով հիվանդների հետ, պահպանել հիգիենայի կանոնները և հետևել մյուս բոլոր խորհուրդներին՝ հետգրիպյան բարդություններից խուսափելու համար:
