Քիչ առաջ մեկնարկեց ՀՀԿ ԳՄ նիստը: Նիստից առաջ լրագրողների հարցերին պատասխանեց ՀՀ վարչապետ Հովիկ Աբրահամյանը:
Այն հարցին, թե ԱԺ նախագահի պաշտոնում ու՞մ եք պատկերացնում, Աբրահամյանը պատասխանեց.
«Իմ պատկերացումները ձեզ չեմ ուզում ասել, ես չգիտեմ, հանրապետության նախագահը հիմա կառաջարկի, մենք կքվեարկենք»:
Այն հարցին, թե արդյո՞ք հնարավոր է, որ Գալուստ Սահակյանը լինի ԱԺ նախագահ, քանի որ նրա անունն է շատ շրջանառվում, պարոն Աբրահամյանը պատասխանեց.
«Բայց տենց բան կա՞, ես չեմ լսել, ամեն ինչ կորոշենք»:
Լրագրողների հարցինˋ կենսաթոշակային բարեփոխումների վերաբերյալ, Հովիկ Աբրահամյանը ասաց, որ մի քանի օրից բոլոր հարցերին պատասխան կտա:
«Ես քայլ արեցի, փորձում եմ քառյակի հետ քննարկել կենսաթոշակային բարեփոխումները: Քննարկումների արդյունքում մի հայտարարի կգանք, բոլոր քաղաքական ուժերի հարցրեը պետք է քննարկենք եւ աշխատենք թափանցիկ: Մեր ներկայացրած նախագծով մենք տույժ տուգանքներն ենք կասեցրել եւ շատ շատ մարդիկ հասկացել են, իսկ ով չի ուզում հասկանալ, եթե գրենք էլ որ պարատադիրը չի գործելու, էլի չեն հասկանալու»,-ասաց Աբրահամյանը:
Լրագրողների բերած փաստարկին, որ պահումները շարունակվում են, Հովիկ Աբրահամյանը ասաց.
«Երկուշաբթի նախագիծը, որ տեսնեք, նման բաներ չկա»:
