«Ուզում է՝ դիմում գրի, ուզում է՝ խոսի, ուզում է՝ չխոսի, նա մինչեւ իր կյանքի վերջը պետք է անցկացնի բանտում, պետք է նստի, կան հանցագործություններ, որոնք չեն ներվում»։ Այս մասին լրագրողների հետ զրույցում հայտարարել է հոկտեմբերի 27-ի ոճրագործության ընթացքում զոհված ՀՀ ԱԺ նախագահ Կարեն Դեմիրճյանի որդին՝ Ստեփան Դեմիրճյանը։
Նրա խոսքով, Հոկտեմբերի 27-ի գործով դատավարությունը չի տվել բազմաթիվ հարցերի պատասխաններ:
«Ժողովուրդը տեսնում է՝ նոր իշխանությունը բացահայտում է պետության դեմ կատարած հանցագործությունները, ունի քաղաքական կամք, կաշկանդված չէ»,- ընդգծել է ՀԺԿ նախագահը:
