Արդեն տեղեկացրել ենք, որ Հայաստանի ազգային հավաքականի և Մոսկվայի «Սպարտակի» հարձակվող Յուրա Մովսիսյանը 16-րդ տուրում «Զենիթի» հետ խաղում ձևակերպել է հեթ-տրիկ, իսկ նրա թիմը հաղթել է 4։2 հաշվով։
Championat.com-ը, որն ավանդաբար որոշում է տուրի ամենաարժեքավոր ֆուտբոլիստին, քիչ առաջ հրապարակել է Յուրա Մովսիսյանի անունը` որպես անցած տուրի ամենաարժեքավոր խաղացողի։ Մասնագետների, լրագորղների, Պրոֆեսիոնալ լիգայի ներկայացուցիչների, ընթերցողների շրջանում անցկացված հարցման արդյունքում՝ Մովսիսյանը ստացել է 12 բալ, ինչը նրան թույլ է տվել զբաղեցնել առաջին հորիզոնականը։
Երկրորդ տեղում «Սպարտակի» մեկ այլ խաղացող Արտյոմ Ձյուբան է, երրորդը՝ ԲԿՄԱ-ի հարձակվող Սեյդու դումբիան։
