Յոգուրտի պարբերաբար օգտագործումը նվազեցնում է շաքարախտով հիվանդանալու հավանականությունը երկու անգամ: Այս մասին հայտարարել են Քեմբրիջի համալսարանի գիտնականները: Հաղորդում է Kedem-ը:
Նման ազդեցություն մարդու առողջության և տարբեր օրգանների վրա ունեն նաև այնպիսի կաթնամթերքներ, ինչպիսիք են կաթնաշոռն ու կաթնաշոռային պանիրը: Փորձին մասնակցած 4255 կամավորներ 11 տարի շարունակ ամեն օր օգտագործել են յոգուրտ, ինչը 28 տոկոսով նվազեցրել է շաքարախտով հիվանդանալու հնարավորությունը: Գիտնականները կարծում են, որ նման արդյունքը պայմանավորված է պրոբիոտիկ բակտերիաներով և վիտամին K-ին հատուկ տեսակով, որը գոյություն ունի յոգուրտի մեջ:
