Ուկրաինայի Գերագույն Ռադայի պատգամավոր Օլեգ Լյաշկոն Facebook-ում գրում է, որ Վիկտոր Յանուկովիչն արդեն գտնվում է Սևաստոպոլում, որտեղից փորձելու է լքել երկիրը։ Այս մասին հաղորդում է Korrespondent.net-ը։
Նա տեղեկացրել է, որ Յանուկովիչը, հնարավոր է, երկիրը լքի ռուսական ռազմանավով։ «Շրջանի բնակիչները քիչ առաջ նկատել են Յանուկովիչին ՌԴ սևծովյան նավատորմի ծովային հետևակի բրիգադի մերձակայքում։ Հենց հիմա նրան ռուսական ռազմանավով դուրս են բերելու երկրից»,- գրել է Լյաշկոն։
Ավելի վաղ հաղորդվել էր, որ Յանուկովիչին ձերբակալել են Ղրիմում, սակայն ՆԳ նախարարի պաշտոնակատար Արսեն Ավակովն այդ տեղեկությունը չէր հաստատել։
