Քիչ առաջ Ուկրաինայի նախագահ Վիկտոր Յանուկովիչի խորհրդական, պատգամավոր Աննա Գերմանն ասել է, որ նախագահը գտնվում է Խարկովում։ Այս մասին հաղորդում է ՈՒՆԻԱՆ-ը։
«Նախագահը գտնվում է Խարկովում՝ աշխատանքային այցով։ Այստեղ նա ժամանել է երեկ։ Յանուկովիչն այսօր հանդիպելու է ընտրողների հետ, ելույթ է ունենալու հեռուստատեսությամբ։ Նախագահը մտադիր չէ մասնակցել այն համագումարին, որն անցնելու է այսօր Խարկովում», — ասել է Գերմանը։ Նշվում է, որ Յանուկովիչը ստորագրելու է նախօրեին Ռադայի կողմից ընդունված օրենքները։
Հիշեցնենք, որ այսօր առավոտվանից լրատվամիջոցները հաղորդում են, որ անհայտ է Յանուկովիչի գտնվելու վայրը, ում ինքնաթիռը կեսգիշերն անց մեկնել էր Կիևի օդանավակայանից։
