ՄքՔարթնին և Ռինգո Սթարը հանդես կգան Գրեմմի մրցանակաբաշխությանը

The Beatles խմբի նախկին կատարողներ Փոլ ՄքՔարթնին ու Ռինգո Սթարը համատեղ ելույթ կունենան հունվարի 26-ին Լոս Անջելեսում, որտեղ կայանալու է «Գրեմմի» ամենամյա երաժշտական մրցանակաբաշխությունը։ Այս մասին հաղորդում բրիտանական NME ամսագիրը։

ՄքՔարթնին ներկայացված է մի շարք անվանակարգերի հավակնորդների ցուցակներում, այդ թվում «լավագույն ռոք երգ»՝ իր Cut Me Some Slack երգով, որը կատարել է Nirvana խմբի նախկին մասնակիցներ Դեյվ Գրոլի և Քրիսթ Նովոսելիչի հետ։ Ռինգո Սթարը կստանա մրցանակ` երաժշտական ոլորտում ունեցած ավանդի համար։

Այս միջոցառմանը բացի վերոնշյալ երգիչներից հանդես կգան նաև Թեյլոր Սվիֆթը, Քեյթ Ուրբանը, Քեթի Փերին, Metallica խումբը չինացի դաշնակահար Լան Լանի հետ միասին։