Հարավային Ամերիկայում կարծիք են հայտնում, որ Մունդիալ 2014-ի վիճակահանությունը կեղծված էր։ Այս մասին գրում է El Mundo Deportivo-ն:
Վիճակահանությունից 22 ժամ առաջ twitter-ում հայտնվել է մի էջ, որը գրել է, թե Արգենտինան կխաղա F խմբում` մրցելով Իրանի, Բոսնիայի և Նիգերիայի հետ: Նաև հայտնի է դարձել, որ Իտալիան կհայտնվի երկրորդ զամբյուղում:
Բացի այդ, որոշ լրատվամիջոցներ ուշադրություն են դարձրել ՖԻՖԱ-ի գլխավոր քարտուղար Ժերոմ Վալկի վրա, ով գնդակների միջից թիմերի անունները հանելիս ձեռքերն իջեցնում էր սեղանից ներքև, ապա ցուցադրում դրանք: Բացի այդ, վիճակահանության ժամանակ Վալկի ցուցադրած թղթերը ծալված չէին, մինչդեռ Լիմայի դեպքում դա այդպես չէր:
