Եգիպտոսի պաշտոնանկ արված նախագահ Մուհամադ Մուրսիի նկատմամբ հարուցված քրեական գործի առաջին լսումը կկայանա այս տարվա նոյեմբերին Կահիրեում: Նրան մեղադրում են նախորդ տարվա դեկտեմբերին խաղաղ ցուցարարների սպանության հրաման տալու մեջ: Այս մասին հաղորդում է եգիպտական Misr Al-Youm-ը: Ավելի վաղ դատախազը Մուրսիի և «Մուսուլման եղբայրներ» կազմակերպության գործն ուղարկել էր դատարան: Նրանց բոլորին մեղադրում են բռնություններ կատարելու և հրահրելու մեջ: Հիշեցնենք, որ հուլիսի 3-ին ժողովրդական հուզումների արդյունքում Մուհամադ Մուրսին պաշտոնանկ արվեց զինվորականների կողմից և ձերբակալվեց:
