Եգիպտացի ակտվիստները, ովքեր կարևոր դերակատարություն են ունեցել 2011 թվականի սկզբին այն ժամանակ գործող նախագահ Հոսնի Մուբարաքին պաշտոնանկ անելու հարցում, երեք տարի կանցկացնեն բանտում՝ չարտոնված զանգվածային միջոցառմանը մասնակցելու համար: Այդ հանրահավաքը տեղի է ունեցել անցած տարի: Այս մասին հաղորդում է BBC-ն:
Այսպիսով, Կահիրեի վերաքննիչ դատարանն ուժի մեջ է թողել նախորդ ատյանի որոշումը: Ահմադ Մահիրը, Ահմադ Դոման և Մոհամադ Ադելն անցած տարի մասնակցել են զինվորականության կողմից իշխանությունը գրավելու ցույցին: Մահիրը համարվում է «Ապրիլի 6»-ի շարժման հիմնադիրը:
Հիշեցնենք, որ 2011 թվականի հունվար-փետրվար ամիսներին երկու շաբաթ տևած բողոքի հուժկու ակցիաներից հետո այն ժամանակ երկրի նախագահ Հոսնի Մուբարաքը ստիպված եղավ հրաժարական տալ իր պաշտոնից:
