Երեկ Մոսկվայում ձերբակալվել է դրամանենգության մեջ մեղադրվող հանցավոր խումբ։ Այս մասին հաղորդում է Interfax գործակալությունը՝ հղում կատարելով ՌԴ ՆԳՆ-ի մամուլի ծառայությանը։
Պարզվել է, որ ձերբակալվածների մեջ են 5 հայ, ինչպես նաև մեկ դաղստանցի։ Հանցավոր խմբավորման պարագլուխը ծնունդով հայաստանցի Ռուսաստանի քաղաքացի է։ Քննության տվյալներով՝ ձերբակալվածները 2010 թվականից զբաղվել են հազար և հինգ հազար ռուբլիանոց թղթադրամների կեղծմամբ և սպառմամբ։ Բոլոր բերման ենթարկվածները ձերբակալվել են, հարուցված է քրեական գործ։
