Իտալիայում վաճառքի է հանվել այն առանձնատունը, որում ենթադրաբար բնակվել է Լեոնդարդո դա Վինչիի հայտնի կտավ «Մոնա Լիզայի» բնորդուհին` Լիզա Գերարդին: Այս մասին հաղորդում է The Times-ը:
Տոսկանայում գտնվող Վինյամաջիո շքեղ առանձնատունը գտնվում է 65 հեկտար հողատարածքի վրա: Այն այժմ պատկանում է փաստաբան Ջաննի Նունցիատեին, ով ցանկանում է վաճառքից ստանալ առնվազն 50 մլն եվրո: Հնարավոր գնորդների ցանկում են ադամանդի արդյունահանման հարավաֆրիկացի մագնատը և չինացի ներդրողների մի խումբ:
