ԱՄՆ-ում աֆրոամերիկացի Ջորջ Ֆլոյդի սպանությունը, որը տեղի էր ունեցել ձերբակալության ժամանակ, աշխարհում բողոքի մեծ ալիք է բարձրացրել։
Իտալական «Ռոմայի» ֆուտբոլիստները, ու նրանց հետ նաև Հայաստանի հավաքականի ավագ Հենրիխ Մխիթարյանը, միացել են #blacklivesmatter նախաձեռնությանը, որը նվիրված է ԱՄՆ-ում ձերբակալվելիս ոստիկանների կողմից սպանված սևամորթ Ջորջ Ֆլոյդին:
Մխիթարյանը facebook-ի իր էջում լուսանկար է հրապարակել և գրառում կատարել:
«Մենք այսօր միասին ենք և աջակցում ենք #blacklivesmatter նախաձեռնությանը»,–գրել է նա:
Հիշեցնենք`ԱՄՆ–ում աֆրոամերիկացի Ջորջ Ֆլոյդի մահվանից հետո զանգվածային անկարգություններ ու բողոքի ցույցեր են սկսվել։ Տուժել են բազմաթիվ ամերիկացիներ, կան զոհեր։
