Այսօր 37 համարի երթուղայինում միջադեպ է տեղի ունեցել ուղևորի և վարորդի միջև: Վարորդը ծխել է, իսկ քաղաքացին խնդրել է նրան հանգցնել ծխախոտը։ Վարորդը պատասխանել էˋ ոչ: Որից հետո քաղաքացու այն պնդմանը, թե դրա համար տուգանք է հասնում, վարորդը և մի ուրիշ կին, որ ներկայացել է որպես վարորդի քույր, հարձակվել են ուղևորի վրա: Կինը փորձել է կամերան կոտրել, հետո սկսել է խփել նրան: Վարորդն էլ փորձել է ստիպել ուղեւորին, որ իջնի մեքենայից: Վերջում էլ սպառնացել է, թե կիմանան որտեղ է ապրում ու նա իր հալը կտեսնի:
Էմմա Պալյան
