Այսօր ՀՀ Կառավարության նիստին որոշում ընդունվեց «Արմավիա»-Ավիաընկերություն» ՍՊԸ և «Միկա Քորփորեյշն» ՓԲԸ՝ ՀՀ պետական բյուջեի նկատմամբ ունեցած հարկային պարտավորությունների դիմաց ՀՀ Ֆինանսների նախարարությանը հանձնել «Միկա Քորփորեյշն» ՓԲԸ-ին պատկանողˋ 9 մլրդ դրամ արժողությամբ «Միկա» մարզահամալիրը:
Որոշման նախագիծը ՀՀ կառավարության հավանությանը ներկայացրեց ֆինանսների փոխնախարար Պավել Սաֆարյանը, որից հետո ՀՀ վարչապետ Հովիկ Աբրահամյանը հանձնարարեց ավելի մանրամասն քննարկել գործարքը:
Նշենք, որ Դատական ակտերի հարկադիր կատարման ծառայության կողմից հայտարարված անշարժ գույքի հերթական էլեկտրոնային աճուրդի ընթացքում գնորդ չլինելու հիմքով անհրաժետություն է առաջացել 9 մլրդ դրամ արժեքով վերոնշյալ գույքը հանձնել ՀՀ Կառավարությանը:
Վարչապետը ասաց, որ այդ գումարից միայն 7.1 մլրդ դրամ կազմում է ՀՀ կառավարության հանդեպ ունեցած պարտավորությունները: Բացի այդ կան նաև այլ պարտքեր:
Նշենք, որ «Միկա» մարզահամալիրը պատկանում է Միքայել Բաղդասարովին:
