Հայաստանում եւ աշխարհի շատ երկրներում մայիսի 15-ին նշվում է Ընտանիքի միջազգային օրը, որը ՄԱԿ-ի Գլխավոր ասամբլեայի բանաձեւով հռչակվել է 1993 թվականին: Հայաստանի Հանրապետության կառավարության 2010 թվականի մայիսի 20-ի որոշմամբ մայիսի 15-ը ճանաչվել է որպես Ընտանիքի օր:
AraratNews.am-ը օրվա խորհրդի շուրջ զրուցել է հայ հայտնիների հետ:
Դերասանուհի, հաղորդավարուհի, «Կտակով թագուհին» հայտնի հայկական հեռուստասերիալի գլխավոր դերակատար Մեգի Գրիգորյան
Այսօր շատ ընտանիքներում միմյանց հետ ժամանակ անցկացնելը հետին պլան է մղվել: Ինչպե՞ս եք կազմակերպում Ձեր ժամանակը՝ ավելի շատ ընտանիքի հետ միասին լինելու համար, եթե հաշվի առնենք այն հանգամանքը, որ Դուք և Ձեր ընտանիքի մյուս անդամները տարբեր երկրներում եք բնակվում:
Դուք արդեն նշեցիք, որ մենք ապրում ենք տարբեր երկրներում, այդ իսկ պատճառով միասին ժամանակ անցկացնելը երբեմն դառնում է երազանք: Տարվա մեջ առնվազն երկու անգամ փորձում ենք հանդիպել, բայց ամեն անգամ՝ աշխարհի տարբեր ծայրամասերում:
Ո՞րն է ամուր ընտանիք ունենալու հիմնական գրավականը:
Ամուր ընտանիք ունենալու հիմնական գաղտնիքը կողակցիդ հետ կյանքի ընկալման նույն մակարդակի վրա լինելն է:
Ինչպե՞ս եք կազմակերպում Ձեր ընտանիքի հետ ժամանցը:
Մեր ընտանիքի ժամանցի ամենասիրելի տեսակը ճանապարհորդելն է, հետևաբար՝ նոր երկրներ ու մշակույթներ ուսումնասիրելը:
Օլյա Շահինյան
