Այս տարի Չինաստանը էլեկտրական ցանցերի կառուցման վրա կծախսի շուրջ 63 մլրդ դոլար, ինչը 13 տոկոսով ավելին է, քան նախորդ տարի։ Այս մասին հաղորդում է ITAR-TASS գործակալությունը՝ հղում կատարելով չինական մամուլին։
Նախորդ տարիներին այդ ցուցանիշն առավելագույնն աճում էր 4 տոկսով։ «Ներդրումների ծավալների մեծացումը զգալի ավել է շուկայի սպասումներից, ինչը համապատասխանում է սարքավորումների արտադրողների շահերին»,- նշվում է չինական «Դի ի ցայցզին ժիբաո» թերթի հոդվածում։ Փորձագետները նշում են, որ առաջին հերթին ուշադրությունը դարձվում է գյուղերում էլեկտրամատակարարման խնդրին, ինչպես նաև երկրի 30 քաղաքներում էլեկտրաէներգիայի մատակարարման օպտիմալացմանը։
Ներկայումս մշտական էլեկտրամատակարարումից օգտվում է Չինաստանի 1.1 մլրդ բնակիչ։
