Առանց Իրանի մասնակցության տարածաշրջանում խաղաղություն և կայունություն հաստատելն անհնարին է: Այս մասին այսօր հայտարարել է Իրանի նախագահ Հասան Ռուհանին` ելույթ ունենալով Մարտիրոսների օրվա կապակցությամբ: Հաղորդում է Mehr գործակալությունը:
Ռուհանին հայտարարել է, որ Իրանը տարածաշրջանի ամենաուժեղ պետությունն է: «Կար ժամանակ, երբ թշնամին մտածում էր, որ Իրանը թույլ երկիր է և նրան կարելի է ոչնչացնել, սակայն այսօր յուրաքանչյուրին պարզ է դարձել, որ Իրանը տարածաշրջանի ամենահզոր երկիրն է»,- ասել է Ռուհանին: Անդրադառնալով «վեցյակի» հետ վերջին ամիսներին ընթացող բանակցություններում արձանագրված հաջողություններին` նա ասել է, որ ընթացիկ տարում այս ոլորտում կիրականացվի նոր աշխատանք:
