Գերմանիայի կանցլեր Անգելա Մերկելը ՌԴ նախագահ Վլադիմիր Պուտինի հետ քննարկել է Ուկրաինայի հարցը։ Հեռախոսազրույցը կայացել է մարտի 2-ի երեկոյան։ Այս մասին հաղորդում է RIA-Novosti գործակալությունը։
Պուտինը հերթական անգամ իր գործընկերոջ ուշադրությունն է հրավիրել «ծայրահեղ ազգայնականների կողմից ռուսախոս բնակչության դեմ կատարվող գործողությունների» վրա։ Նա պնդել է, որ ՌԴ-ի դիրքորոշումն այս հարցում արդարացված է՝ ստեղծված արտառոց իրավիճակի համար։
Հեռախոսազրույցից հետո հայտնի է դարձել, որ կողմերը համաձայնության են եկել Ղրիմում ԵԱՀԿ-ի հովանու ներքո դիտարկում անցկացնելու և ստեղծված իրավիճակը քննելու վերաբերյալ։
