«Բարսելոնայի» հարձակվող Լիոնել Մեսսիի հայրը` Խորխեն, մտադիր է դիմել դատարան` պատասխանատվության ենթարկելու El Mundo Deportivo-ին, որին մեղադրում է իր դեմ ստահոդ լուրեր տարածելու մեջ: Նա հայտարարում է, որ այդ թերթում գումարների լվացման մասին իր դեմ ուղղված հոդվածը կատարյալ սուտ է: Սպասվում է, որ Մեսսիի ընտանիքը շուտով հանդես կգա հայտարարությամբ:
Հիշեցնենք, որ «Բարսելոնայի» ֆուտբոլիստ Լիոնել Մեսսիի հայրը` Խորխե Մեսսին մեղադրվում է թմրաբիզնեսի անօրինական գումարների լվացման մեջ: Ըստ նույն աղբյուրի` «Մեսսիի ընկերներ» թիմի մասնակցությամբ խաղը կազմակերպվել էր այդ գումարների օրինականացման համար: Մեսսիի հոր դերակատարումն այստեղ կարող էր լինել նարկոբարոնների հետ կապ ապահովելու մեջ, ինչից նա կարող էր 10-20 տոկոս շահույթ ստանալ:
