Այսօր ՆԱՏՕ-ի գլխավոր քարտուղար Անդրես Ֆոգ Ռասմուսենը հայտարարել է, որ Ուկրաինան և Վրաստանը կմիանան Հյուսիսատլանտյան դաշինքին այն բանից հետո, երբ կատարեն անհրաժեշտ պայմանները:
«Ցանկանում եմ նշել, որ մեր դիրքորոշումն Ուկրաինայի և Վրաստանի հարցում չի փոխվել: Թույլ տվեք հիշեցնել՝ 2008 թվականին մենք արդեն որոշել ենք, որ Ուկրաինան և Վրաստանը կդառնան ՆԱՏՕ-ի անդամ: Մենք դա որոշել ենք 2008-ին և դա ուժի մեջ է»,- ասել է Ռասմուսենը ՌԴ պաշտպանության նախարարի հետ հանդիպումից հետո:
