Հայտնի երգիչ Վալերի Մելաձեն եւ Վիա Գրա խմբի նախկին անդամ երգչուհի Ալբինա Ջանաբաեւան 10 տարի շարունակ թաքցնում էին իրենց սիրավեպը, քանի որ երգիչն ամուսնացած էր ուրիշ կնոջ հետ: Սակայն մի քանի տարի առաջ նրանց կապի մասին հայտնի դարձավ, ինչպես նաեւ այն, որ Ալբինայի որդու հայրը նույնպես Վալերին է: Այս պահի դրությամբ զույգն այլեւս չի թաքցնում հարաբերությունները, նրանք, նույնիսկ, պարբերաբար միասին հաճախում են տարբեր տեսակի միջոցառումների: Վերջերս Մելաձեն առաջին անգամ խոսել է իր 9 ամյա որդու մասին, նա ասել է, որ որդուն պետք է դաստիարակալ իսկական տղամարդ, որ դա մեծ պատասխանատվություն է, քանզի դրա համար պետք է ոչ միայն խոսել, այլեւ վարվել, ինչպես իսկական տղամարդ: Ասել է, թե կյանքն ամեն ինչ ցույց կտա, բայց նա իրեն լավ հայր է համարում: Մելաձեն խոստովանեց, որ իր երեխաներին նա սիրում է կյանքից ավելի:
