Ուկրաինայի ուժայինները, որոնք մասնակցում են հարավ-արևելքում իրականացվող հակաահաբեկչական օպերացիային, ազատագրել են Դոնեցկի շրջանի Մարիուպոլ քաղաքի քաղաքային խորհրդի շենքը, որը գտնվում էր ռուսամետ անջատողականների վերահսկողության տակ: Այս մասին ասվում է քաղաքային խորհրդի պաշտոնական կայքում:
«Այժմ քաղաքային խորհրդի մոտ տեխնիկա է աշխատում: Մարդիկ աշխատանքային շորերորվ մաքրում են բարիկադները, բեռնատարներով հեռացնում անիվները: Քաղխորհրդի շենքի երկու կողմերում աշխատում են էքսկավատորներ: Ոստիկանական մի քանի մենքենա գտնվում է շենքի մերձակայքում», — նշվում է հաղորդագրության մեջ:
Այլ աղբյուրներ հաղորդում են, որ այս գործողության ժամանակ տուժածներ չկան: Հայտնի է, որ ոստիկանությունը բերման է ենթարկել ռուսամետ 11 անջատողականի:
