Մեքսիկական Ստորին Կալիֆոռնիա նահանգի Գուադալուպե կղզու առափնյա ջրերում ջրասույզները մեծ սպիտակ շնաձկան, որը հայտնի է նաեւ շնաձուկ-մարդակեր անվամբ, սատկելու ականատեսն են դարձել: Այս մասին հաղորդում է Daily Mirror-ը:
Սկզբում գրառումը հայտնվել է համացանցում մեքսիկացի Արտուրո Իսլաս Ալենդեի սոցիալական կայքի էջով (Arturo Islas Allende): Հոկտեմբեր 9-ին նկարահանված տեսանյութում ագրեսիվ մեծ ձուկը լողում է դեպի չորս ջրասուզորդներով վանդակը եւ մռութով խրվում վանդակաճաղերի արանքում՝ մարդկանցից մոտ մեկ մետր հեռավորության վրա։
Փորձելով ազատվել վանդակաճաղերից՝ շնաձուկն իրեն թափահարում է, զարնվելով երկաթյա ցցերին՝ վնասվում է: Արնաքամ լինելով գիշատչի սատկած մարմինն իջնում է օվկիանսի հատակը։
