2020 թ. պետբյուջեի նախագծով՝ մարդկային կապիտալի համար կատարվող ծախսերը, այսինքն՝ կրթության, գիտության, մշակույթի և սպորտի նախարարության, առողջապահության և աշխատանքի և սոցիալական հարցերի բնագավառների համար իրականացվող ծրագրերը միասին վերցված կազմում են 780 մլրդ դրամ:
Այս մասին խորհրդարանական հանձնաժողովների համատեղ նիստում տեղեկացրել է ՀՀ ֆինանսների նախարար Ատոմ Ջանջուղազյանը:
Նախարարը պարզաբանել է նաև, որ նախատեսվելիք գումարը 2019 թ. ցուցանիշի համեմատ 85 մլրդ դրամով, այն է՝ 11,2 %-ով ավելի է:
