Թել Ավիվի համալսարանի գիտնականները պարզել են, որ մաստակ ծամելը կարող է հանգեցնել միգրենի։ Դա հատկապես վերաբերում է երեխաներին և դեռահասներին։ Նման եզրակացության իսրայելցի գիտնականները հանգել են՝ հետազոտելով միգրենից տառապող 6-19 տարեկան հիվանդների։
Այն բանից հետո, երբ նրանք դադարել են մաստակ օգտագործել, 19 հոգի հայտարարել է, որ ամբողջությամբ ազատվել է այդ ցավերից։ Եվս 7-ը նշել է, որ միգրենն ավելի հազվադեպ է իրենց անհանգստացնում։ Միաժամանակ նշվում է, որ այն բանից հետո, երբ հիվանդները սկսել են մաստակ օգտագործել՝ ցավերը կրկին սկսել են անհանգստացնել իրենց։
