ԱԺ նախկին պատգամավոր Մանվել Գրիգորյանի նկատմամբ նշանակված բժշկական փորձաքննության արդյունքներն արդեն պատրաստ են և այսօր ներկայացվեցին դատարանում:
Եզրակացության համաձայն՝ Մանվել Գրիգորյանին ախտորոշված հիվանդությունները չեն համապատասխանում պատիժը կրելուն խոչընդոտող հիվանդությունների դասակարգին:
Դատավորին ներկայացված գրության մեջ նաև նշված է, որ ներկա առողջական վիճակով Մանվել Գրիգորյանը կարող է բուժում ստանալ ՀՀ որևէ հիվանդանոցում, ինչպես նաև կարող է մասնակցել դատական նիստերին:
