ՀԱՀ-ի նախկին նախագահ Նելսոն Մանդելայի ավագ դուստրը հոր մահից քիչ հետո տնից դուրս է հանել իր զարմիկին: Այս մասին հայտնում է lenta.ru-ն՝ հղում անելով Agence France-Presse-ին:
Հաղորդվում է, որ դեռ Մանդելայի թաղումից առաջ նրա դուստրը՝ Մակազիվեն, Մանդելայի մանկության Կունու գյուղում գտնվող ագարակի կողպեքները փոխել է: Բացի այդ, Մանդելայի հոգեհանգստի արարողությունից հետո նրա հրահանգով ագարակում անջատել են ջուրը և էլեկտրականությունը:
Այսկերպ Մանդելայի դուստրը փորձել է նրա թոռանը՝ Մանդլային, խանգարել հաստատվել տանը, որի կողքին թաղված է իր հայրը: Մասնավորապես, նա իր զարմիկից պահանջել է ագարակից հեռացնել իրենց պատկանող կենդանիներին: Բացի այս, Մակազինվեն արգելել է Մանդլային և նրա ընտանիքին իր հոր գերեզմանին այցելել:
Նշենք, որ Մակազինվեի և Մանդլայի փոխադարձ մեղադրանքներն առ այն, որ ազգականը շահագործում է Մանդելայի անունը սեփական շահի համար, շարունակվում է արդեն մի քանի տարի:
