Ամերիկացի հանրահայտ կոմպոզիտոր և Պրոդյուսեր Քուինսի Ջոնսը հայց է ներկայացրել դատարան՝ հայտարարելով, որ Մայքլ Ջեքսոնի իրավահաջորդներն իրեն պարտք են 10 միլիոն դոլար հոնորարների և մի քանի հիթերի համար նախատեսված հավելավճարների տեսքով։ Այս մասին գրում է BBC-ն։
Ջոնսը Ջեքսոնի ամենաշատ վաճառված ալբոմների՝ Off the Wall-ի և Thriller-ի պրոդյուսերն էր։ Բացի իրավահաջորդներից, 10 միլիոնի հայցը վերաբերում է նաև Sony Music Entertainment ընկերությանը, որը ձայնագրել է ալբոմները։ Պրոդյուսերը նշում է, որ նրա երգերի անունները հատուկ փոխել են, որպեսզի չվճարեն իրեն հասանելիք գումարը։
