Այսօր՝ հոկտեմբերի 14-ին, Բաքվում կայացել է Ադրբեջանի եւ Թուրքիայի ԱԳ նախարարներ Էլմար Մամեդյարովի եւ Մեւլութ Չավուշօղլուի հանդիպումը։
«Նախարարները քննարկել են հայ-ադրբեջանական՝ Լեռնային Ղարաբաղի հակամարտության կարգավորման շուրջ իրավիճակը, ինչպես նաեւ Մերձավոր Արեւելքում ընթացող գործողությունները։ Նշվել է երկու երկրների կողմից իրենց անվտանգությունն ապահովելու համար տարվող քաղաքականության անհրաժեշտությունը»,- հայտնում է «Ինտերֆաքս Ադրբեջանը»։
Նաեւ նշվում է, թե ռազմավարության տեսանկյունից Մամեդյարովը եւ Չավուշօղլուն հայտարարել են, որ Ադրբեջանի եւ Թուրքիայի միջեւ գործընկերությունը նպաստում է տարածաշրջանային և գլոբալ կայունությանն ու անվտանգությանը:
