Ադրբեջանի ԱԳ նախարար Էլմար Մամեդյարովը Նյու Յորքում ԵԱՀԿ Մինսկի խմբի համանախագահների հետ հանդիպմանը քննարկել է ԼՂ հակամարտության կարգավորման ընթացիկ իրադրությունը:
«Նյու Յորքում տեղի է ունեցել Ադրբեջանի ԱԳ նախարար Էլմար Մամեդյարովի հանդիպումը ԵԱՀԿ ՄԽ համանախագահներ Իգոր Պոպովի, Ստեֆան Վիսկոնսիի և Էնդրյու Շոֆերի հետ: Հանդիպմանը քննարկվել են ղարաբաղյան հակամարտության կարգավորմանն ուղղված բանակցությունները, հակամարտության գոտում տիրող իրավիճակը և, ընդհանուր առմամբ, համանախագահների ապագա ծրագրերը»,- ադրբեջանական «Ինտերֆաքս»-ին ասել է այդ երկրի ԱԳՆ մամլո խոսնակը:
Ավելի վաղ հաղորդվել էր, որ սեպտեմբերի 23-ին տեղի է ունենալու Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հանդիպումը:
