ՄԱԿ-ի մերձավոր արևելյան գրասենյակի մամուլի խոսնակ Քրիս Հանեսը չի կարողացել զսպել արցունքները Al-Jazeera-ի ուղիղ եթերում, երբ խոսել է Իսրայելի բանակի կողմից ՄԱԿ-ի դպրոցի ռմբակոծության մասին։
Ավելի ուշ` նա իր Twitter-ում գրել է, որ «արցունքներն ավելի շիտակ են ցույց տալիս եղելությունը, քան բառերը»՝ նշելով, որ իր հուզմունքը ոչինչ է այն բանի հանդեպ, թե ինչ են զգում Գազայի բնակիչները։
«UNRWA-ը ցնցված է Գազայում տեղի ունեցածով։ Մենք հասել ենք կրիտիկական կետի, մեր աշխատակիցներին սպանում են, փախստականների ապաստանները լիքն են։ Ինչով է այս ամենն ավարտվելու», — ասել է նա։
Հիշեցնենք, որ ՄԱԿ-ի դպրոցի ռմբակոծության ժամանակ զոհվել է 20 մարդ, մոտ 100 մարդ վիրավորվել է։
