ԱՄՆ-ը դեմ է հանդես եկել այսօր ՄԱԿ-ի մարդու իրավունքների խորհրդում այսօր քննարկված բանաձևին, որ նախատեսում է ստեղծել մի անկախ հանձնաժողով, որ կզբաղվի Գազայի հատվածում Իսրայելի բանակի գործողությունների հետաքննմամբ: Այս մասին այսօր ճեպազրույցի ժամանակ հայտարարել է ԱՄՆ-ի պետքարտուղարության ներկայացուցիչ Մարի Հարֆը:
«Մենք բանաձևը դիտարկում ենք իբրև միակողմանի և կանխակալ և այդ պատճառով դեմ ենք քվեարկել: Սա խորհրդի կազմում հակաիսրայելական գործունեություն ծավալելու հերթական փորձն է», — նշել է Հարքը:
Լրագրողի հարցին, թե ինչու է միայն ԱՄՆ-ը դեմ քվեարկել բանաձևին, ԱՄՆ-ի պետքարտուղարության ներկայացուցիչը պատասխանել է, որ ԱՄՆ-ը շարունակելու է պաշտպանել Իսրայելը, եթե անգամ ստիպված լինի դա միայնակ անել:
