Երևանի քաղաքապետ Հայկ Մարությանը ֆեյսբուքյան իր էջում «Մանսուրյան-80» համերգաշարին նվիրված գրառում է կատարել.
«Օպերայի դահլիճում երեկոյան հրաշալի համերգով ամփոփեցինք «Մանսուրյան-80» համերգաշարի երևանյան հատվածը: Իր ներկայությամբ երեկոն պատվեց վարչապետ Նիկոլ Փաշինյանը: Շնորհակալ եմ մեր թիմին՝ փոխքաղաքապետ Տիգրան Վիրաբյանի գլխավորությամբ, հոբելյանին վայել բարձր մակարդակով այս համերգաշարը կազմակերպելու համար: Շնորհակալ եմ նաև ՀՀ կառավարությանը՝ կարևոր աջակցութան համար:
Վստահ եմ, որ մեր ժամանակի մյուս մեծերին նվիրված միջոցառումները նույնքան լավն են լինելու: Մաեստրոյի 80-ամյակին նվիրված համերգաշարը եզրափակիչ ակորդը կտրվի Գյումրիի Սև բերդում, սեպտեմբերի 13-ին»:
