Վենեսուելայի նախագահ Նիկոլաս Մադուրոն դիմել է երկրի խորհրդարանին` կոչ անելով իրեն շնորհել լրացուցիչ լիազորություններ` Վենեսուելայում կոռուպցիայի և տնտեսական պատերազմի դեմ արդյունավետ պայքարելու համար: Այս մասին հաղորդում է RIA-Novosti գործակալությունը:
Մադուրոն նման հայտարարություն է արել` ելույթ ունենալով երկրի օրենսդիր մարմնում. «Եթե կոռուպցիայի և տնտեսական պատերազմի չկանխենք, ապա երկրում սոցիալիզմ չի լինի», — ասել է Չավեսի հետնորդը: Նրա խոսքերով` «Վենեսուելայում տնտեսական պատերազմը վարում է երկրի բուրժուազիան»:
