Մարտի 11-ին, ժամը 13.33-ին ահազանգ է ստացվել, որ Երևանի Իսակովի պողոտայում տեղի է ունեցել ՃՏՊ, առկա է վառելիքի արտահոսք. անհրաժեշտ է օգնություն:
Դեպքի վայր է մեկնել մեկ մարտական հաշվարկ:
Պարզվել է, որ բախվել են «Վոլկսվագեն վենտո» մակնիշի 34 SQ 353 (վարորդ` Ա. Խ.), «Միտցուբիշի պաջերո» մակնիշի 29 US 138 (վարորդ` Մ. Պ.), «Վոլկսվագեն գոլֆ» մակնիշի 34 PF 958 (վարորդ` Հ. Ա.) և «Գրանդ չերոկի» մակնիշի 34 UO 180 (վարորդ` Վ. Ծ.) պետհամարանիշների ավտոմեքենաները:
«Վոլկսվագեն գոլֆ» մակնիշի ավտոմեքենայի ուղևոր` 1949 թ. ծնված Մ. Տ.-ը ստացել է վնասվածքներ և տեղափոխվել «Մալաթիա» ԲԿ:
Հրշեջ-փրկարարները հոսանքազրկել են ավտոմեքենաները և փակել գազի փականները:
