Ճանապարհատրանսպորտային պատահարներ հանրապետության ավտոճանապարհներին

Դեկտեմբերի 11-ին, ժամը 19.30-ին,   «ՎԱԶ-2102»  մակնիշի ավտոմեքենան Արտաշատ-Երևան  ճանապարհին` Մարմարաշեն գյուղի հատվածում, բախվել  է «Լենդմարկ ZX 24»  մակնիշի ավտոմեքենայի:

«ՎԱԶ-2102»-ի վարորդը մարմնական վնասվածքներով տեղափոխվել է հիվանդանոց:

Կատարվում է քննություն:

Դեկտեմբերի 12-ին, ժամը 01.30-ի սահմաններում,   «ՈՒԱԶ-3151201» մակնիշի ավտոմեքենան Մյասնիկյան-Հացիկ ճանապարհի 1-ին կմ-ին շրջվել է, ինչի հետևանքով վարորդը  և  3 ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

Դեկտեմբերի 11-ին, ժամը 16.00-ի սահմաններում, «ԲՄՎ 525» մակնիշի ավտոմեքենան Երևան-Գորիս ճանապարհի 231-րդ կմ-ին բախվել է մերկասառույցի պատճառով ճանապարհը հորիզոնական փակած  «Վոլվո»  մակնիշի բեռնատարի:

Պատահարի հետևանքով «ԲՄՎ 525»-ի 2 ուղևորները մարմնական վնասվածքներով տեղափոխվել են հիվանդանոց:

Կատարվում է քննություն:

Դեկտեմբերի 11-ին, ժամը 17.30-ի սահմաններում, «Նիսան»   մակնիշի ավտոմեքենան Երևան-Մեղրի ճանապարհի 148-րդ կմ-ին է ընկել ձորը, ինչի  հետևանքով ուղևորուհին  մարմնական վնասվածքներով տեղափոխվել է հիվանդանոց:

Կատարվում է քննություն: