Ձերբակալվել է Եգիպտոսի նախկին վարչապետը

Ոստիկանությունը ձերբակալել է Եգիպտոսի կառավարության նախկին ղեկավար Խաշիմ Քանդիլին, ով ավելի վաղ դատապարտվել էր մեկ տարվա ազատազրկման։ Այս մասին հաղորդում է France Presse գործակալությունը։

Սեպտեմբերին Կահիրեի վերաքննիչ դատարանը հաստատել է ավելի ցածր ատյանի կողմից ընդունված որոշումը, որով նա դատապարտվել էր՝ դատարանի որոշումը չկատարելու համար։ Ապրիլ ամսին նա հեռացվել էր պաշտոնից դատարանի որոշմամբ։ Նրան դատապարտել էին մեկ տարվա ազատազրկման եւ նշանակել տուգանք։ Նա մեղադրվում էր սեփականաշնորհման ժամանակ խախտումներ թույլ տալու մեջ։