Բարձրագույն դատական խորհրդում (ԲԴԽ) այսօր քննարկվում է դատավոր Ալեքսանդր Ազարյանի վերաբերյալ կարգապահական գործի քննությունը:
Նա, հիշեցնենք, փոխել էր Ռոբերտ Քոչարյանի եւ «5-րդ ալիք» հեռուստաընկերության սեփանակատեր Արմեն Թավադյանի խափանման միջոցները:
ԲԴԽ-ում է արդարադատության նախարար Ռուստամ Բադասյանը, որի դիմումի հիման վրա վարույթ է սկսվել: Հանուն Ազարյանի ԲԴԽ են եկել մի քանի փաստաբան:
ԲԴԽ մեկ այլ անդամ՝ Հայկ Հովհաննիսյանը եւս, ինքնաբացարկ ներկայացրեց, քանի որ ՀՔԾ պետի համակուրսեցին է, ունի ընկերական հարաբերություններ: Ու թեեւ ինքը կաշկանդված չէ օբյեկտիվ լինել, այնուամենայնիվ, հանրային ճիշտ ընկալման համար ներկայացնում է ինքնաբացարկ: Բացի այդ՝ Հայկ Հովհաննիսյանի դեմ կարգապահական պատասխանատվության ենթարկելու որոշում կա:
Ալեքսանդր Ազարյանի փաստաբան Տիգրան Աթանեսյանն էլ միջնորդեց հարցաքննել ՀՔԾ պետ Սասուն Խաչատրյանին: