«Կամազի» վարորդ Հրաչյա Հարությունյանին, ում մասնակցությամբ հուլիսի 13-ին ավտովթարի ժամանակ զոհվել էր 18 մարդ, ևս 27-ը վիրավորվել էին, նոր մեղադրանք է առաջադրվել։ Ըստ ՌԴ ոստիկանության՝ Հայաստանի քաղաքացին ունեցել է աշխատանքի կեղծ թույլտվություն։
«Այսօր «Նոր Մոսկվայում» տեղի ունեցած ՃՏՊ-ի գործին քննիչները միացրել են ևս մեկ գործ, որը հարուցվել էր 2013 թվականի հուլիսին Հրաչյա Հարությունյանի դեմ 327 հոդվածով (կեղծ փաստաթղթի օգտագործում)», — ասվում է Մոսկվայի ոստիկանության հայտարարության մեջ։
