Իտալիայի նախագահին առաջին այցելության ժամանակ Հռոմի պապ Ֆրանցիսկոս Առաջինը ժամանել է սեփական Ford Focus մեքենայով` առանց ավանդական ոստիկանական ուղեկցության: Այս մասին գրում է Associated Press գործակալությունը:
Բոլորը զարմացել են, երբ Հռոմի պապի մեքենան մոտեցել է նախագահական նստավայրին առանց ոստիկանների և ձայնազդանշանային ուղեկցության: Սա Հռոմի պապի նոր քաղաքականության շարունակությունն է, երբ նա ստիպում է հոգևորականներին հրաժարվել ավելորդ շռայլություններից:
Դեռ Արգենտինայում արքեպիսկոպոս եղած տարիներին Ֆրանցիսկոսը երթևեկում էր հանրային տրանսպորտով, ինչպես նաև ապրում էր փոքր բնակարանում, թեպետ, ի պաշտոնե հնարավորություն ուներ օգտվելու բազմաթիվ առավելություններից:
