Թուրինի «Յուվենթուսի» արգենտինացի հարձակվող Կառլոս Տևեսն իր ընտանիքի անդամների հետ միասին հանդիպել է Հռոմի պապ Ֆրանցիսկոսին:
Ինչպես տեղեկացնում է թուրինյան ակումբի պաշտոնական կայքը, 29-ամյա հարձակվողն ազգությամբ արգենտինացի Հռոմի պապին է նվիրել իրեն պատկանող 10 համարի մարզաշապիկը:
Հավելենք, որ մարզաշապիկի վրա ինքնագրեր են թողել «Յուվենթուսի» բոլոր ֆուտբոլիստները։
Իտալիայի ընթացիկ առաջնությունում Տևեսն անցկացրել է 12 հանդիպում և խփել վեց գնդակ։
