Հռոմի պապն ընդգծել է Մանդելայի դերը ապարտեիդի ռեժիմի դեմ պայքարում

Հռոմի պապ Ֆրանցիսկոսը ուրբաթ օրը ընդգծել է ՀԱՀ նախկին նախագահ Նելսոն Մանդելայի դերը ապարտեիդի ռեժիմի դեմ պայքարում, հաղորդում է France Press-ը։

Հռոմի կաթոլիկ եկեղեցու առաջնորդը նշել է Մանդելայի ներդրումը «նոր Հարավային Աֆրիկայի ձևավորման» գործում և հույս հայտնել, որ նրա օրինակը կոգեշնչի՝ շարունակելու պայքարը «հանուն արդարության և համընդհանուր բարօրության»։

Հիշեցնենք. Մանդելան մահացել է հինգշաբթի օրը Յոհանեսբուրգի իր տանը 95 տարեկան հասակում։ Նա ՀԱՀ-ի պատմության մեջ առաջին սևամորթ նախագահն էր։ Ապարտեիդի ռեժիմի դեմ պայքարի համար նա 27 տարի բանտում էր անցկացրել։ 1993 թ. Մանդելան դարձել էր Խաղաղության Նոբելյան մրցանակի դափնեկիր։