Հունվարի 19-ը «Ակօս» երկլեզու թերթի խմբագիր Հրանտ Դինքի հիշատակի օրն է:
13 տարի առաջ այս օրը Ստամբուլի Շիշլի թաղամասում գտնվող «Ակօս» խմբագրատան ճանապարհին սպանվեց Հրանտ Դինքը: Սպանությունը դե յուրե բացահայտված է, բայց պատմության մութ կողմերն այսօր էլ հանգիստ չեն տալիս Դինքի հարազատներին ու աշխարհասփյուռ հայերին: Այսօր Ստամբուլում և Իզմիրում արդարության պահանջով հանրահավաքներ են լինելու:
Թուրքիայի խորհրդարանի հայազգի պատգամավոր Կարո Փայլանը ֆեյսբուքյան իր էջում կիսվել է Հրանտ Դինքի մասնակցությամբ տեսանյութով:
