Հովհաննես Պողոս Երկրորդ Հռոմի պապի սրբացման հանդիսավոր արարողության ժամկետի մասին կհայտարարվի սեպտեմբերի 30-ին։ Այս մասին հաղորդում է RIA-Novosti գործակալությունը։ Երկուշաբթի օրը կգումարվի Սրբերի հարցերով հանձնաժողովի նիստ, որն էլ կորոշի արարողության օրը։
Բացի Հովհաննես Պողոս երկրորդից, որոշում կընդունվի նաև Հռոմի Պապ Հովհաննես 23-րդի հարցով։ Նախկինում հայտնի էր, որ Հովհաննես 23-րդի և Հովհաննես Պողոս 2-րդի սրբացման արարողությունը կիրականացվի մինչև տարվա վերջ։
Տեղեկացնենք, որ համաձայն կաթոլիկ եկեղեցու կանոնների, սրբերի շարքում դասելու համար անհրաժեշտ է, որպեսզի տվյալ անձի հետ կապված հրաշք տեղի ունենա։ Հովհաննես Պողոս երկրորդի դեպքում դա կոստառիկացի կնոջ ապաքինումն է ծանր հիվանդությունից՝ շնորհիվ լեհ հոգևորականի։
