Հնդկական Գաեկվադ ընտանիքի երկու ճյուղերը, որոնք Գուջարաթ արևմտյան նահանգի պատմական կառավարիչներն են, համաձանության են եկել մոտ երեք միլիարդ դոլար արժողությամբ ժառանգությունը կիսելու մասին: Այս մասին հաղորդում է France-Presse-ը:
Բարոդա պետության ռաջայի առաջին՝ արդեն մահացած որդուն բաժին է ընկել Վադոդարա քաղաքի հսկայական պատմական համալիրը, որը Բուքինգհեմյան պալատից չորս անգամ մեծ է: Նա ժառանգել է նաև համաշխարհային արվեստի գործերով թանգարան, ընտանեկան ադամանդներ և այլ թարկարժեք զարդեր:
Ռաջայի երկրորդ որդին որպես ժառանգություն է ստացել ընտանեկան առևտրային ընկերությունների նկատմամբ վերահսկողություն և անշարժ գույք Վադոդարա և Մումբայ քաղաքներում:
Կողմերը վերջապես համաձայնության են եկել երկարատև բանակցություններից հետո, որ սկսվել էին վերջին ռաջայի մահվանից հետո՝ 1991-ին:
