Հնդկաստանի իշխանություններն արգելել են 59 հավելված, այդ թվում՝ չինական Tik Tok սոցիալական ցանցը, UC բրաուզերը, WeChat մեսենջերը։
Ինչպես հաղորդում է «Արմենպրես»-ը՝ վկայակոչելով «ՌԻԱ Նովոստի»-ին, այս մասին հայտնել է երկրի կառավարության մամուլի ծառայությունը:
Ցուցակում տեղ են գտել Հնդկաստանի ինքնիշխանությանն ու ամբողջության, պետության անվտանգությանն ու հասարակական կարգին վնաս հասցնող հավելվածները։
Հավելվածները, որոնք հիմնականում մշակվել են Չինաստանում, կարգելափակվեն ինչպես բջջային, այնպես էլ այլ սարքերում:
